សិក្ខាសាលាស្តីពីសិទ្ធីផ្តាច់មុខ កិច្ចសន្យាអាជ្ញាប័ណ្ណ និងកិច្ចសន្យាហ្រេ្វនឆាយ ១៤ កញ្ញា២០១៨
សិទ្ធិផ្តាច់មុខលើកម្មសិទ្ធិបញ្ញាត្រូវបានទទួលតាមរយះការចុះបញ្ជីបើជាកម្មសិទ្ធិឧស្សាហកម្ម និងតាមរយះការបង្កើតស្នាដៃ បើជាកម្មសិទ្ធិអក្សរសាស្ត្រ និងសិល្ប:។ សិទ្ធិទាំងនេះមួយចំនួនធំអាចជាកម្មវត្ថុនៃការផ្ទេរទៅម្ចាស់សិទ្ធិថ្មី ការផ្តល់អាជ្ញាប័ណ្ណ ការផ្តល់ហ្រ្វេនឆាយ និងកិច្ចសន្យាចែកចាយ។ ការមិនតម្កល់កិច្ចសន្យាផ្តល់សិទ្ធិផ្តាច់មុខដែលខ្លួនទទួលបានពីកិច្ចសន្យាទាំងនេះ នៅក្រសួងមានសមត្ថកិច្ច នាំឲ្យអ្នកទទួលសិទ្ធិមិនអាចតតាំងបាននឹងតតិយជនសុច្ចរិតបានឡើយ។ ខ្លឹមសារនៃកិច្ចសន្យាទាំងនេះមានលក្ខណះស្មុគស្មាញបន្តិច ដែលករណីខ្លះត្រូវមានការបណ្តុះបណ្តាល និង/ពិភាក្សាគ្នា។ សិក្ខាសាលាថ្ងៃនេះបានបង្ហាញនូវភាពស្មុគស្មាញនានា និងបំភ្លឺលើចំណុចខាងលើ ជាពិសេស កិច្ចសន្យាអាជ្ញាប័ណ្ណ និងហ្រ្វនឆាយ ដោយវាគ្មិន គឺលោក អោប រ៉ាឌី ប្រធាននាយកដ្ឋានកម្មសិទ្ធិបញ្ញាក្រសួងពាណិជ្ជកម្ម ដែលផ្តោតជាពិសេសអំពីសិទ្ធិផ្តាច់មុខក្នុងការចុះបញ្ជីម៉ាក និងការតម្កល់កិច្ចសន្យា និងលោកមេធាវី ពេជ អង្គ, ប្រធានសមាគមកម្មសិទ្ធិបញ្ញា, ដែលបានផ្តោតលើសញ្ញាណខុសគ្នាលើកិច្ចសន្យាទាំងនេះជាពិសេសខ្លឹមសារនៃកិច្ចសន្យាអាជ្ញាប័ណ្ណ និងកិច្ចសន្យាហ្រ្វេនឆាយ។ សិក្ខាសាលានេះបានទទួលការគាំទ្ររៀបចំពីសំណាក់ក្រុមមេធាវីអាស៊ីកម្ពុជាដែលដឹកនាំដោយលោកស្រីមេធាវី សេង វួចហ៊ុន។ ដោយ ពេជ អង្គ ១៤ កញ្ញា ២០១៨
