ពិធីសម្ភោធសមាគមកម្មសិទ្ធិ បញ្ញាកម្ពុជា
សមាគមកម្មសិទ្ធិបញ្ញាកម្ពុជា (IPAC) នឹងត្រូវសម្ភោធជាផ្លូវការនៅថ្ងៃទី១៧ ខែសីហា ឆ្នាំ២០១៦ នៅមជ្ឈមណ្ឌល សហប្រតិបត្តិការកម្ពុជា-ជប៉ុន (CJCC) នៅម៉ោង១៤ ដល់ម៉ោង១៦ រសៀល។ សមាគមកម្មបញ្ញាកម្ពុជាមានកិត្តិយស ដែលមានការអញ្ជើញចូលរួមជាអធិបតីភាព ពីរដ្ឋលេខាធិការនៃក្រសួងពាណិជ្ជកម្ម លោកជំទាវ តឹករ៉េត កំរង តំណាងឲ្យ ឯកឧត្តម ប៉ាន សូរស័កិ្ត រដ្ឋមន្រ្តីក្រសួងពាណិជ្ជកម្មក្នុងការបើកសម្ពោធសមាគមនេះ។ សមាគមក៏បានអញ្ជើញផងដែរ អ្នកតំណាងពីអង្គការកម្មសិទ្ធិបញ្ញាពិភពលោក (WIPO) ប្រធានសមាគមអាស៊ានកម្មសិទ្ធិបញ្ញា (អាស៊ាន IPA) ប្រតិភូ ជាច្រើនមកពីបណ្តាប្រទេសនានា និងបុគ្គលដែលទទួលបានជោគជ័យក្នុងវិស័យជំនួញហើយយល់ដឹងពីកម្មសិទ្ធិបញ្ញា នៅកម្ពុជាជាភ្ញៀវកិត្តិយស និងជាវាគ្មិន។ ការបង្កើត IPAC នេះមានគោល បំណងលើកកម្ពស់ការយល់ដឹងជា សាធារណៈអំពីសិទ្ធិកម្មសិទ្ធិបញ្ញា ការកសាងសមត្ថភាព និងការកសាងបណ្តាញអាជីវកម្មសម្រាប់ភាគីពាក់ព័ន្ធទាំងអស់ ដើម្បីចូលរួមក្នុងការអភិវឌ្ឍច្បាប់កម្មសិទ្ធិបញ្ញា ការលើកកម្ពស់វិស័យកម្មសិទ្ធិបញ្ញា និងដោះស្រាយជម្លោះកម្មសិទ្ធិបញ្ញ នៅកម្ពុជា ។
