ក្រសួងឧស្សាហកម្មនិង សិប្បកម្មអនុម័តប្រកាសពីរ
នៅថ្ងៃទី 25 កក្កដាឆ្នាំ 2016 ក្រសួងឧស្សាហកម្មនិងសិប្បកម្មបានអនុម័តសេចក្តីប្រកាសយ៉ាងសំខាន់ៗចំនួនពីរ ដែល ទាក់ទងការដាក់ពាក្យស្នើសុំ និងចុះបញ្ជីប្រកាសនីយបត្រតក្កកម្មនៅក្នុងប្រទេសកម្ពុជា។ ទីមួយគឺប្រកាស ស្តីពីការចុះ បញ្ជីទទួលស្គាល់ប្រកាសនីយបត្រក្កកម្មសិង្ហបុរីនៅកម្ពុជា និងទីពីរគឺប្រកាសស្តីពី ការពន្លឿនផ្តល់ប្រកាសនីយបត្រតក្កកម្ម ស្ថិតក្រោមកិច្ចសហប្រតិបត្តិការសម្របសម្រួល ការផ្តល់ប្រកាសនីយបត្រតក្កកម្មកម្ពុជា ទាក់ទងទៅនឹងពាក្យស្នើសុំប្រកាស នីយបត្រតក្កកម្មជាមួយអង្គភាពប្រកាសនីយបត្រតក្កកម្មជប៉ុន។ ការិយាល័យប្រកាសនីយបត្រតក្កកម្មកម្ពុជា នៃក្រសួង ឧស្សាហកម្ម និងសិប្បកម្ម ប្រកាសទទួលការចុះបញ្ជីទទួល ស្គាល់ប្រកាសនីយបត្រតក្កកម្មសិង្ហបុរីនៅកម្ពុជា ក៏ដូចជា ទទួលពាក្យស្នើសុំប្រកាសនីយបត្រតក្កកម្មជាមួយអង្គភាព ប្រកាសនីយបត្រតក្កកម្មជប៉ុនផងដែរ។ ប្រកាសទាំងពីរនឹង ធ្វើអោយចំនួនសំណុំលិខិតស្នើសុំប្រកាសនីយបត្រតក្កកម្មមានកើនឡើង ព្រមទាំងបង្កើនសេដ្ឋកិច្ចរបស់ប្រទេសកម្ពុជាផង។
