សេចក្តីព្រាងច្បាប់ និងបទបញ្ញាត្តិនានារបស់ក្រសួងពាណិជ្ជកម្ម
នៅថ្ងៃទី 10 ខែសីហាឆ្នាំ 2016 ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្មអញ្ជើញជាអធិបតី ដឹកនាំកិច្ចប្រជុំ លើកទី៤ របស់គណៈកម្មការគ្រប់គ្រង និងជំរុញការរៀបចំសេចក្ដីព្រាងច្បាប់ និងលិខិតបទដ្ឋានគតិយុត្ត ដើម្បីធ្វើ បច្ចុប្បន្នភាពលើសេចក្តីព្រាងច្បាប់ និងបទបញ្ញាត្តិទាំង១០ ដូចខាងក្រោមៈ
- សេចក្ដីព្រាងច្បាប់ស្ដីពីកិច្ចការពារអ្នកប្រើប្រាស់
- សេចក្ដីព្រាងច្បាប់ស្ដីពីការប្រកួតប្រជែង
- អនុក្រឹត្យស្ដីពី ការរៀបចំនិងការប្រព្រឹត្តទៅនៃគណៈកម្មាធិការត្រួតពិនិត្យផលិតផលហាឡាលកម្ពុជា
- សេចក្ដីព្រាងអនុក្រឹត្យ ស្ដីពី ការរៀបចំនិងការប្រព្រឹត្តទៅនៃគណៈកម្មាធិការបង្ក្រាបសកម្មភាពអាជីវកម្មលក់គ្រឿង អលង្ការ ត្បូងថ្ម និងវត្ថុសិល្បៈដោយក្លែងបន្លំ
- សេចក្ដីព្រាងច្បាប់ស្ដីពីពាណិជ្ជកម្មតាមអេឡិកត្រូនិក
- សេចក្ដីព្រាងច្បាប់ស្ដីពីកិច្ចសន្យាពាណិជ្ជកម្ម
- សេចក្ដីព្រាងច្បាប់ស្ដីពីម្ហូបអាហារ
- សេចក្ដីព្រាងច្បាប់ស្ដីពីឧបាស្រ័យពាណិជ្ជកម្ម
- វិសោធនកម្មច្បាប់ស្ដីពីប្រតិបត្តិការដែលមានកិច្ចធានា
- ការពិនិត្យលទ្ធភាពលើការធ្វើវិសោធនកម្មលើច្បាប់/អនុក្រឹត្យស្ដីពីការបង្កើតសភាពាណិជ្ជកម្មក្រៅប្រទេស
ក្នុងនោះមានតែសេចក្តីព្រាងច្បាប់ចំនួន២ តែប៉ុណ្ណោះ ដែលទាក់ទងនិងកម្មសិទិ្ធបញ្ញា។ មុនពេលផ្អាកកិច្ចប្រជុំ រដ្ឋមន្រ្តីបានជំរុញឱ្យគណៈកម្មការគ្រប់គ្រង និងជំរុញការរៀបចំសេចក្ដីព្រាងច្បាប់ និងលិខិតបទដ្ឋានគតិយុត្តបន្តការងារ ល្អៗទាំងនោះ មុនពេលកំណត់កាលវិភាគសម្រាប់កិច្ចប្រជុំបន្ទាប់សម្រាប់ថ្ងៃទី 22 ខែសីហាឆ្នាំ 2016 ។
